81
urteko gizon bat disneagatik dator
AURREKARI
PERTSONALAK:
- Erretzaile ohia da, 40 pakete/urte erre ditu.
- Fibrilazio aurikularra dauka eta emconcor eta sintroma hartzen ditu.
- Prostatako minbizia dauka metastasi lunbosakroekin eta hileko tratamendua jarraitzen du zoledexerekin.
- Bizi-kalitate txarra dauka. Eguna ohetik besaulkira ematen du gerrialdeko hezur- minarengatik mugatua.
GAUR
EGUNGO GAIXOTASUNA: 2 aste darama
arnasestuarekin eta azkeneko bi egunetan eztul lehorra eta hogeita
hemeretzi graduko sukarrarekin hasi da. Ez du hanketako edemarik
izan, ezta diuresiaren gutxiagotzerik. Gainera, bularreko mina
ukatzen du.
MIAKETA
FISIKOA
Larrialdietako
zerbitzuan:
TA
120/70, 36 arnasketa/min, 65 taupada/min, Tª 36.6 ºC. Oxigeno
saturazioa %77koa zen, 86-88% erreserborioarekin. Arnas sakona eta
zianosiarekin.
Bihotz
auskultazioa: arritmikoa.
Biriketako
auskultazioa: krepitante bilateralak.
Beheko
gorputz adarretan ez zeukan hanketako edemarik, ezta zainetako
tronbosi sakonen zeinurik.
FROGA
OSAGARRIAK
-
EKG: Fibrilazio aurikularra 65 t/m. Errepolarizazioa normalarekin.
-
Toraxeko erradiografia: Kardiomegaliarik ez. Infiltratu albeolar
bilateralak, goiko zein beheko lobuluetara hedatuta. Isuri pleuralik
ez.
-
Odol azterketa:
BK
eta HRF normalak ziren, Koagulazioia: TP 35%, INR 2.4, NT- Pro BNP:
3824, D- dimero 6659(0-230), PCR: 104
(0-5), VSG 7mm/ordu, Procalcitonina: 0.05.
C3-C4
normala, Anti DNA, ANA, ANCA negatiboak. Markadore tumoralak: Na
CO3H: 26.7 , CA 15-3: 230(0-25), CA 19-9 21 (0-35), PSA 113(0-4), Ag
neumokoko eta legionella: negatiboak. Atipikoen serología:
negatiboa.
-
Gasometria arteriala: P02 37, PC02 32, ph: 7.53, Sat 73%,
larrialdeetan.
Laburpena:
81
urteko gizon bat daukagu prostata minbizi eta fibrilazio
aurikularrarekin. Bat-batean arnas gutxiegitasuna garatzen du.
Erradiografian irudi albeolar bilateralak ikusten dira baina
bihotzeko tamaina normalarekin eta isuri pleuralik gabe.
- Zein izango litzateke diagnostiko diferentziala?
- Ze frogak eskatuko zenituzke diagnostikora hurbiltzeko?
Lander
Altube. Neumologoa.
Entradas
oso kasu interesgarria! nire lehenengo eritzi diagnostikoa TEP bilaterala izango litzateke, minbizia eta mugikortasun falta arrisku faktoreak dira, gainera dimero d altua, arnas gutxiegitasuna eta infiltrazio bilateralak, nt probnp altua, sukarra ere eduki dezake... kontran sintrom tratamendua eta inr rangoan ala nola hankak handitu barik eta minik ez... ala ere tac helikoidala eskatuko nioke. 2º biriki metastasia biriki nekrosiarekin,hezur metastasidun neoplasia prostatikoa dauka, ca 15.3 handituta dauka, sukarra ere ager liteke,kasu honetan tac eta bronkoskopia eskatuko nituzke, 3º neumonia, inmunogutxitua da, sukar handia dauka, pcr handitua, nahiz eta legionella neumococo eta atipicoen serologia-, tbc infiltrado miliarra izango zan, anaerobioek kabernak sortuko lituzkete, gram -?, kasu honetan hemokultibo eta karkax kultiboa eskatuko nituzke.... bueno honarte gaur nire buruak ematen dauena, seguruenik ez dot asmatu baina dibertigarria izan da!
ResponderEliminarDiagnostiko sorta ederra Txubela. Nik hasiera batean Biriketako tronboenbolismoan pentsatu nuen diagnostiko aukera bezala. Izan ere, bat-bat batean hasten den arnasestua, metastasidun minbizia eta mugikortasun urria duen paziente batean, gainera D-dimeroa altu (nahiz eta minbizia ere hau igotzearen kausa izan daitekeen), hipoxemia eta hipokapnia. Guzti honekin, Biriketako tronboenbolismoa litzateke nire lehen aukera diagnostikoa, baina egia esan asko gustatu zaizkit Txubelak emandako beste aukerak. Eskerrik asko.
EliminarEgun on Txubela, berandu bada ere, badaukagu kasu klinikoaren erantzuna blogeko sarrera berri batean irakurgai.
Eliminarhttp://bagabigablog.blogspot.com.es/2013/01/arnas-gutxiegitasuna-prostatako.html
Aupa!
ResponderEliminarBiriketako tronbo enbolismoa denok buruan daukagun diagnostikoa dela uste dot, baina zeinu klinikoa ez datoz bat ez? Erreserbiriiakin 85-86% saturazioa badauka, honek perfuzio-bentilazio arazo garrantzitsua dagoela esan gure dau baina hemodinamikoki gaizoa egonkor dago (120/60 eta 60 taupada). Horregaitik, BTEre diagnostikoa egitea ondo dago baina nik uste, beste patologia baten aurrean gaudela.
Nik ere, paziente inmunogutxitu bat dela kontutan hartuta,, biriketako infezio baten pentsatuko nuke. Ez dakit erresidentzia baten bizi dan ala ez gaixo hau, baian infekzio atipilo edo nosokomial baten aurrean gaudela esango nuke.
Eta iritzi edo galdera bezela usten dot ondorengo hausnarketa; paziente hau aurrekai guztiak kontutan hartuta eta daukan bizi kalitatea ikusita tratatu egingo ahal zenukete? Nik antibiotiko gabe ez nuen utziko baina gauza askorik ere ez nion ipiniko. Familiakin hitz egingo nuen eta konfort neurriak indartuzko nituzke.
Hemen dia nire iritzia! Guztiz kritikagarria gainera!
Ondo pasa gabonetan!
Kaixo danori, zuen diagnostiko diferentziala benetan ona eta argumentatua da, gauzak hurrengo erantzunleei erreztuz. Esandako gauzen artean:
ResponderEliminar1- TEP bilateralak gauza batzuk justifikatzn ditu (dimero d oso altuak, inmobilizazio aurrekariak..), baina ez da bat bateko arnas estu kasua izan, subakutua baizik (2 asteko progresioa eta azken bi egunetan estul lehorra eta sukarra), eta txabelak esan bezala inr rangoan dauka (nahiz eta hori ere batzutan tep-a gertatzeko nahikoa ere ez izan).
2- Infekzioaren alde sukar altua, PCR altua eta neumonia kasuan, infiltrado bialteralak euki leikez, baina pazientea hemodinamikoki hain egonkor egonda eta procalcitonina 0.05 izanik neumonia edo prosezu infekziosoa izateko aukera jeisten duela esango nuke nik.
Baina zerk justifikatu ditzake krepitante bilateralak? bihotz gutxiengo akutu batek, neumonia bilateral batek eta fibrosi pulmonarrak.
Fibrosi pulmonarra (idiopatikoa momentuz) kontutan euki beharko genuke diagnostiko diferentzialean,40 pakete urteko erretzailea, (ez dakigu profesioa zein izan duen) bentilazio-perfusio arazoak eta TAC ean ikusten den birika patroi interstizial eta desestrukturatua azal ditzake. Ez ditu baina, sukarra eta hain bat bateko eboluzioak justifikatzen.
Kasu honetan birika puntzio bat egitea litzateke aukera, hau histologikoki aztertzeko modu bakarra litzatekelako.
Hala ba hurrengo batek jarrai dezala.
Ondo bukatu urtea.