LURGORRI UTZIKO DUGU

Azken denboraldiko “lehortearen” ondoren gure bagabigablog-a lurgorri uztea erabaki dugu. Sormen agorraldi honi aurre egiteko modua da hau, ea lurrak atseden hartu eta ideiak berriro ere loratzen zaizkigun.

Argazkia

Ia urte bi joan dira lehenengo sarrera argitaratu genuenetik eta asko da denbora honetan erein eta hazitakoa. Uzta oparoak izan dira eta hainbat izan zarete lur hauek ureztatu dituzuenak.

Esker mila modu batera edo bestera landa honetan parte hartu duzuen guztioi, izan ere, zuengatik izan ez balitz proiektu honek ez luke inolako zentzurik izango. 
Helburu nagusia osasun gai ezberdinen inguruan aritzea zen, nola eta euskaraz!

Hainbat izan dira argitaratutako sarrerak, baina ekimen batzuk bereziki aipagarriak izan zaizkigu: 

 

• PAZIENTEENTZAKO FITXAK

Camfic-en pazienteentzako fitxen euskaratzea burutzeko OEE, osatzen eta hainbat boluntarioen laguntza izan genuen. 

• SORBALDAKO TENDINOPATIA

Asterik aste, ikuspuntu ezberdinak uztartzen saiatu ginen patologia honen inguruan. Fisteus-eko lagunekin elkarlan bikaina osatu genuen.

 

• KASU KLINIKOEN LEHIAKETA

Hamaika kasu izan ziren eta irabaztea ez zen helburu nagusia. Azkue Fundazioa eta OEE-ren babes eskuzabala izan genuen.

• KULTURA ZIENTIFIKOA I. JAIALDIA

Oso harro gaude ekimen interesgarri honetan parte hartu izanagatik

Mila esker berriro ere guzti hau posible egin duzuen guztioi, eta gogoratu hau ez dela agurra, gero artea baizik. 

Ateak zabalik gelditzen dira, edozein ideia zein proposamen berri ereiteko lurrak atseden hartu ostean.