2013-03-31

MELATONINA ETA ORDUTEGI ALDAKETA


Ordutegi aldaketa gure bizi-ohituren barne hartzen dugu, baina zeinek ez du inoiz zalantzan jarri bere erabilgarritasuna? Egunak "luzatu" bai, baina aldi berean ordutegi aldaketa honetara ohituratu behar da gure gorputza, edo burua hobe esanda, eta sarritan hau ez da lan erreza izaten. 
Udaberria datorrela, adi egon behar izaten dugu, erlojuari buelta oso bat eman eta ordu biak direnean hirurak direla jakiteko. Hala ere, ordutegi aldaketa kontu modernoa dugu, izan ere, Lehen Mundu Gerran ezarri zen lehenengo aldiz. Ordutegi Aldaketa. 2001/10/26 Carton Virto, Eider - Elhuyar Zientziaren Komunikazioa

Baina zer eragin dauka gure bizitzan ordutegi aldaketak?

Galdera honi erantzuteko ezinbestekoa da Melatonina aipatzea. Melatonina. Wikipedia.
Melatonina guruin pinealak jariatzen duen neurohormona bat dugu. Guruin pineala edo epifisia dientzefaloan kokatzen da eta argirik ez dagoenean aktibatu eta serotoninatik eratorria den melatonina jariatzen du. Hala bada, epifisiak gorputzaren "erloju-biologikoa"-ren funtzioa betetzen du, eta lan honetan hipotalamoan dagoen gune suprakiasmatikoak eta erretinak emandako informazioaz baliatzen da. Argitasun edo iluntasunaren arabera epifisiak melatonina gehiago edo gutxiago jariatuko du. Irudi honetan ikus daitekeenez, Melatoninaren jariaketa mailarik altuena gaueko orduetan ematen da, iluntasun orduetan.

Irudia hemendik hartuta dago. .
Melatoninaren propiatate hauek kontuan izanda, aplikazio mediko ezberdinak proposatu zaizkio eta hauen artean aipatzekoa da ordutegi-eremu ezberdinetan zeharreko hegazkin-bidaiak egin osteko "jet-lag"-a tratatzea adibidez. Melatonina para la prevención y tratamiento de la desadaptación horaria ("jet lag") (Revisión Cochrane traducida)
Gainera loezina edo insomnioa bera tratatzeko ere aukera ematen omen du. Circadin. EMA
 

Hauetaz gain, badira miokardioko infartu akutuan ere erabilgarria izan daitekeela aipatzen duten artikuluak ere. Melatonina y enfermedad cardiovascular: ¿mito o realidad?Revista Española de Cardiología 
Zerrenda luze bat dago, bere eragin terapeutiko ezberdinak aipatzen dituena, nahiz eta hauetako gehienak erakusteke dauden. Melatoninaren eragin terapeutikoak. MedlinePlus

Hala eta guztiz ere, guri gehienoi askotan loa kentzen diguna ordutegi-aldaketa bera da, ordu bietan hirurak direlako eta datorren goizean esnatzean oraindik gaua, eta ez eguna, izango delako.

Beraz, melatoninak bere maila egokia har dezan arte ondo lo egin!


Mikel Baza 
Familia eta Komunitateen Medikua

1 comentarios:

  1. Gorka Eskubi. Familia Medikua19/4/13 6:44 p. m.

    Interesgarria Mikelo, oso interesgarria.
    Lan ona betiko legez

    ResponderEliminar

 

BAGA BIGA BLOG! Copyright © 2011 | Template design by O Pregador | Powered by Blogger Templates